Hymn: Ikaw ang tunay na puno

1

Ikaw ang tunay na puno
At ako ang Iyong sanga,
Nguni’t hindi ko matanto
Bakit wala ’kong bunga.

2

Inasam ko ang mamunga,
Maihayag Iyong buhay;
Sa trono l’walhatiin Ka,
Ito’y dalanging tunay.

3

Panginoon di ko alam
Ano’ng manahan sa Iyo,
Lalo kong sinusubukan,
Lalong napapalayo.

4

Pananaha’y di ko dama,
Ga’no mang pagpas’ya ko;
Tila Ika’y malayo pa,
At walang bunga ako.

5

Ikaw ang puno ng ubas,
Wika Mo, ako’y sanga,
Nang matanggap Manliligtas,
Espiritu’y gumawa.

6

Ako’y nasa loob Mo na,
Di ang papasok pa lang;
Ako’y ganap nang Iyong kaisa,
Sa buto at sa laman.

7

Di ang “papasok” siyang lihim,
Kundi “nasa loob” na;
Di na lalabas—siyang dalangin,
Di pa’nong papasok pa.

8

Ako’y nasa Iyong loob na,
Tunay na pangyayari!
Di kailangan dasal, gawa,
Diyos gumawa’t naghari.

9

Di kailangang pumasok pa,
Nasa loob na ako,
Dapat magpuri’t matuwa,
Manalig sa salita Mo.

10

Ngayon ako’y matiwasay,
Ika’y lahat sa akin,
Ikaw ang lakas at buhay,
Sarili ko’y lipulin.

Ikaw ang tunay na puno