诗歌： Ekklesia'y Kanyang sisidlan

Ekklesia'y Kanyang sisidlan,
Maging Kanyang kahayagan,
Gaya'y katawan sa tao
Tao'y hinahayag nito.

Gaya ng templo sa kaban,
Lunan ng kapahingahan;
Ekklesia'y Kanyang tirahan,
Si Kristo ang nilalaman.

Hiwaga ng Diyos si Kristo,
Paliwanag ng Diyos Mismo;
Ekklesia ay hiwaga Niya,
Hinayag, 'sinalita Siya.

Mga sangkap ng Katawan,
Dati-rati'y lupa lamang;
Muling-'sinilang, 'transporma,
Naging batong mahalaga.

Sa transpormasyon, na'tayo,
Sisidlan para kay Kristo;
Nilagyan yaman ni Kristo
Lahat Niya'y hayag sa tao.

Tres-unong Diyos nagtulungan,
Transpormasyon magampanan,
Ekklesia'y naging sisidlan
Herusalem Niyang tirahan.

Kay halaga ng Ekklesia,
Bawa't panig malinaw siya
Pinunan ng yaman ng Diyos
Nang maisilay Siyang lubos.

Diyos ang ilaw, Kristo'y buhay,
Espiritu'y daloy buhay;
Sa Kanya'y may-kahayagan
Diyos, hanggan sa walang hanggan.

Ekklesia'y Kanyang sisidlan