诗歌： Hindi ako, kundi si Kristo lamang

Hindi ako, kundi si Kristo lamang,
Pinarangal, inibig, sinamba;
Hindi ako, kundi si Kristo lamang
Sa salita, sa isip, at gawa.

Iligtas ako sa sarili,
Nawa'y mapasa Iyo,
Nawa'y di na ako, kundi
Mabuhay si Kristo.

Kristo lamang, ang umaliw sa akin,
Kristo lamang, nagpahid ng luha;
Kristo lamang, nagbuhat ng pasanin,
Kristo lamang, nagpawi ng kaba.

Kristo lamang, di ang hungkag na wika,
Kristo lamang, di kapalaluan;
Sarili ko'y hindi pinadakila,
Kristo lamang, ako'y hinalinhan.

Kristo lamang, ang tustos sa kailangan,
Kristo lamang, aking kalusugan;
Kristo lamang, sa buong katauhan,
Buhay Niya ay sa akin namasdan.

Kristo lamang, malapit nang makita,
L'walhati Niya ay walang katulad;
Kristo lamang, tinupad aking nasa,
Kristo lamang, aking lahat-lahat.

Hindi ako, kundi si Kristo lamang