诗歌： Ako'y hipan ng 'Spiritu

1

Ako'y hipan ng 'Spiritu,
Turuan Mong lumanghap;
Tulungang ilagak sa Iyo
Buhay ng sala't hirap.

Ihinga nang palabas ang
Sala at lumbay;
Langhapin Iyong kayamanan,
Langhaping tunay.

2

Ihinga ko aking buhay
Nang ako'y mapuspusan;
Limutin lakas at hinay,
Langhapin Kang lubusan.

Ihinga nang palabas ang
Sala at lumbay;
Langhapin Iyong kayamanan,
Langhaping tunay.

3

Ihinga ang kasalanan,
Lahat ay Iyong pinasan;
Langhapin ang kabanalan,
Buhay Mo'y nasumpungan.

Ihinga nang palabas ang
Sala at lumbay;
Langhapin Iyong kayamanan,
Langhaping tunay.

4

Ihinga ang kalungkutan
Sa dibdib Mong magiliw;
Langhapin kapayapaan,
Ang galak Mo at aliw.

Ihinga nang palabas ang
Sala at lumbay;
Langhapin Iyong kayamanan,
Langhaping tunay.

5

Ihinga mga sakit ko,
Pinasan Mo ring panay;
Langhapin ang paggamot Mo,
Pahinga Iyong 'binigay.

Ihinga nang palabas ang
Sala at lumbay;
Langhapin Iyong kayamanan,
Langhaping tunay.

6

Ihinga ang kasabikan
Sa mahal Mong pandinig;
Langhapin Iyong kasagutan,
Tigil ang panginginig.

Ihinga nang palabas ang
Sala at lumbay;
Langhapin Iyong kayamanan,
Langhaping tunay.

7

Lumanghap bawa't segundo,
Buhay Mo ay buhay ko;
Bawa't hininga'y bigay Mo,
Hipan ng Espiritu.

Ihinga nang palabas ang
Sala at lumbay;
Langhapin Iyong kayamanan,
Langhaping tunay.

Ako'y hipan ng 'Spiritu