詩歌： Pangino’n, lahat Ka sa aking buhay

Pangino’n, lahat Ka sa aking buhay,
Kapuspusan ng Diyos Iyong ibinigay,
Pinaging-banal ng Iyong kalikasan,
Muling-pagkabuhay Mo’y kalakasan.

Agos ng buhay Mo ang nagdadala
Ng liwanag at pagsasalamuha,
Tustos sa kailangan, sa Iyo’y nakamtan,
At paglilinis din sa Iyong harapan.

Ang kaluluwa ko at espiritu
Babarang lubos ng Espiritu Mo;
Iyong baguhin, sa wangis Mo ihubog,
Hanggang sa Iyong buhay ako’y mahinog.

Masaganang buhay Mo’y umaagos,
Nagpapanariwa at tumutustos;
Nilulon ng buhay ang kamatayan,
Inalis ang gapos at kadiliman.

Sa Iyo ibibigay ang aking lahat,
Nang layunin Mo’y sa akin matupad;
’Di na magsumikap magpakabuti,
Nang di mahadlangan Iyong minimithi.

Tigil ang sariling pagsusumikap,
Pagbabago ng buhay Mo’y matanggap,
Nang ako’y kasamang maitatayo
Na Iyong kahayagan, l’walhati sa Iyo.

Pangino’n, lahat Ka sa aking buhay