诗歌： Si Cristo mismo binhi's Iglesia

Si Cristo mismo binhi's Iglesia
Nga gipugas sa kasingkasing ta,
Nagtubong trigo, himo'ng harina,
Matinapayng magtagbaw's Dios ug tawo.

Ang mga mini nga magtotoo,
Bunglayon taliwala sa trigo,
Magpalibog, mag-ulang's pagtubo,
Aron plano sa Dios di mahimo.

Kinabuhi's Iglesia utanon,
Naggikan kang Cristo nga mustasa;
Tago, lumalabay, ug gamay ra,
Apan maayong kan-on's gigutom.

Ang utanon gibayloan's Yawa
Sa kinaiya ug sa 'yang porma;
Nitubo nga dako nga punoan,
Puloy-anan sa mga dautan.

Hulog nga iglesia gipa'muslan,
Gisaktan ug paganong batasan,
Ingon's harinang gipatuboan,
Di na makaon kay sinambogan.

Apan transpormahon silang Cristo,
Himoong perla, hamiling bato,
Materyales itukod's Iglesia,
Aron Gingharian N'ya maila.

Katigumang magtubo kang Cristo,
Matukod ubang Cristo, makambyo,
Daw maayong perla kahamili,
Ingon sa gilubong nga bahandi.

Igahin kami's mga "bunglayon,"
Sa dakong "kahoy" Imong luwason,
Putlia mi's tanang "levadura,"
Aron makaon mi's tawo ug Nimo.

Patuboa kami's kinabuhi,
Transpormaha, tukora na kami,
Lawas—ekspresyon Mo himoa na,
Gingharian Mo kanamo makita.

Si Cristo mismo binhi's Iglesia